Жаңалықтар
«Ұлы дала ағартушылары» электронды кітапханасы құрылды
30.11.2023
Оқу-ағарту министрлігіне қарасты Республикалық ғылыми-педагогикалық кітапхананың сайтында «Ұлы дала ағартушылары» электронды кітапханасы құрылды. Онда ұлы тұлғалардың өмірі мен шығармашылығы, еңбектері, мақалалары мен зерттеулері туралы ақпарат ұсынылған. Барлығы 1000-нан астам еңбек бар, деп хабарлайды Egemen.kz ведомствоның баспасөз қызметіне сілтеме жасап.
Электронды кітапхана жыл бойы жаңа ақпараттармен толықтырылады. Алдағы уақытта электронды кітапханаға білім саласына еңбегі сіңген ұстаздар еңбегі де қосылады. Қазіргі таңда электронды кітапхананы пайдаланушылар саны 12 мыңға жеткен.
Электронды кітапхананы https://rnpb.kz/ сайтынан көруге болады.
Фото: gov.kz