Жаңалықтар
Қазақстандық азамат ірі көлемдегі ақшамен шекара аспақ болған
18.04.2019
"Алматы" шекаралық бақылау отрядының шекара наряды халықаралық әуежайда ірі көлемдегі қолма-қол ақшаны шекарадан алып өтпек болған ер адамды ұстады, деп хабарлайды Zakon.kz ҚР ҰҚК ШҚ баспасөз қызметіне сілтеме жасап.
"Алматы-Пекин" бағытымен ұшқалы тұрған HU – 7934 әуе рейсін ресімдеу барысында 1970 жылы туған Қазақстан Республикасының азаматы ұсталды. Оған, тексеру барысында аталған азаматтан табылған, кедендестірілмеген 30 000 АҚШ доллары, 1 285 қытай юані және 22 000 теңге себеп болды", - деп хабарлап отыр ведомство өкілдері.
Ұсталған азаматтан алынған ақша актіленіп, "Жетісу" кеден бекетіне тапсырылды.