Жаңалықтар
Ердоған Елбасын Ораза айт мерекесімен құттықтады
05.06.2019
Қазақстанның Тұңғыш Президенті Нұрсұлтан Назарбаев Түркия Республикасының Президенті Режеп Тайип Ердоғанмен телефон арқылы сөйлесті, деп хабарлайды Kazpravda.kz Ақорданың баспасөз қызметіне сілтеме жасап.
Әңгімелесу барысында Режеп Тайип Ердоған Нұрсұлтан Назарбаевты Ораза айт мерекесімен құттықтап, зор денсаулық және толағай табыс, ал Қазақстан халқына бақ-береке тіледі.
Тараптар Қазақстан-Түркия ынтымақтастығының, сондай-ақ өңірлік және халықаралық күн тәртібінің өзекті мәселелері бойынша пікір алмасты.
Телефон арқылы сөйлесуге Түркия жағы бастамашы болды, деп атап өтті Мемлекет басшысының баспасөз қызметінде.