Жаңалықтар
Қазақстан мен Қырғызстан Президенттері ынтымақтастық мәселелерін талқылады
07.08.2018
Елбасы Нұрсұлтан Назарбаев Қырғызстан Республикасының Президенті Сооронбай Жээнбековпен телефон арқылы сөйлесті, деп хабарлайды Kazpravda.kz Ақорданың баспасөз қызметіне сілтеме жасап.
Әңгімелесу барысында Қазақстан мен Қырғызстанның Президенттері екі жақты ынтымақтастықтың қазіргі жағдайын және перспективасын талқылап, өңірлік күн тәртібіндегі өзекті мәселелер жөнінде пікір алмасты.
Сондай-ақ, мемлекеттер басшылары алдағы кездесулер кестесін де қарастырды.
Телефон арқылы сөйлесуге Қырғызстан жағы бастамашы болды, деп атап өтті баспасөз қызметінде.