Жаңалықтар
Футболдан Қазақстан суперкубогы қашан басталады
НҰР-СҰЛТАН. ҚазАқпарат - Футболдан Қазақстан суперкубогының басталу уақыты белгілі болды, деп хабарлайды ҚазАқпарат тілшісі.
Кездесу елорда уақытымен 19:30-де басталады. Кездесу 2 наурызда елордада «Астана Арена» стадионында өткізіледі.
Жаңа маусымда аталмыш жүлде үшін өткен маусымның чемпионы қостанайлық «Тобыл» мен кубок иегері алматылық «Қайрат» сарапқа салады.
Суперкубокты классикалық түрде бір ойынынан өткізу туралы шешім қабылданды. Бұл биылғы наурыз айында ойындар күнтізбесінің тығыздығына байланысты клубтармен келісім бойынша қабылданды.
Еске салсақ, биыл ел біріншілігі 5 наурызда жалауын көтереді.
Алғашқы турда 5 наурызда «Каспий» (Ақтау) мен «Қызылжар», «Тұран» (Түркістан) мен «Тараз», «Атырау» мен «Ақсу» (Павлодар облысы), «Астана» (Нұр-Сұлтан) мен «Шахтер» (Қарағанды), «Ордабасы» (Шымкент) мен «Мақтаарал» (Түркістан облысы) командалары кездеседі.